Cataloniami taasisitsinermi 460-it ikiligaapput
![](/sites/default/files/styles/image_934x467/public/2418242475_87cb6ba3e2_o.jpg?itok=8pJrN3_E)
Spaniami eqqartuusiviit qullersaata aamma naalakkersuisut taasisitsineq naalagaaffiup aaqqissuussaaneranut akerliusutut nalunaarutigivaat.
Qinersisartut politiillu aporaanneranni inuit 460-nik sinneqartut ikiligaasimapput.
Cataloniamiut qinersivinnut taasiartorlutik unnuap ingerlaneranili tulleriaalerput taasisitsineq ullaaq qulingiluanut ammarneqarput.
Taasisitsineq Spaniami eqqartuussiviit qullersaannit Naalagaaffiup aaqqissuussaaneranut akerliusutut nalunaarutigineqarpoq unioqqutisinertullu isigalugu. Taamaattumik Naalakkersuisut Madridimiittut taasisitsinerup pinngortinneqarniarpaat.
Spaniami politiit oqartussaasunit suliakkerneqarput taasivissaat ineeqqallu taasiffiusussat piaarneqarnissaannik spaniami nunami namminermi ministereqarfik taama paasissutissiivoq.
Taasivissat taasiffiusussalu piiaarnernerisa saniagut politiit anaalerutissaminnik sakkulersorsimasut assiaqqutsersorsimasullu assilineqarsimasut takuneqarsinnaapput, taakkua taasiartortut taasivinnukannginnissaannik pinngitsaalillugit peersineqartut assilisani takuneqarsinnaallutik.
- Politiit pisariaqanngitsunik sakkulersorput aallaasit gumminik imassallit anaatallu atorneqaramik Cataloniamiut pisortaat, Carles Pugidemont oqarpoq.
Cataloniami innutaasut taasitinneqarneranni inuit 460-it napparsimavinnut aqqunarsimasut passinneqartarfiini ikiueqqaartarfinilu passunneqarput, cataloniamit pisortat taama nalunaarput.
Taasiviit 73 procentii ammatinneqarput pilersaarutillu naapertorlugit taasisitsinerit ingerlanneqarumaartut, cataloniami oqartussaasut taama nalunaarput. Tasisitsiviiit amerlanersaanni taasinerit toqqissimasumik ingerlanneqarput.