Kalaallip tuttup neqaanik nerisassiornermut najoqqutassatut atuakkiaa Gourmand Awardimi ajugaaniutivinnermut annguttoq
Atuakkami Tuttu qaqqamiit qanermut /Rensdyr fra fjeld til fad, Michael Rosing aavariartarnilersaarpoq, aattornissaanut ilitsersuuteqarluni kiisalu tuttup pisatai tamaasa mamartumik nerisassiarinissaannut allakajaanik isumassarsiorfigineqarsinnaasunik najoqqutassiaqarluni.
Gourmand World Cookbook Awards nerisassiornermut najoqqutassatut atuakkianik, sammisani arlariinni, arlalinnik ukiut tamaasa akissarsisitsisarpoq. Nunat tamalaat akornanni unammisitsineq 2012-imi nunanit 171-init peqataaffigineqarpoq. Ajugaasunik toqqaaniarneq pingasunik immikkoortortaqarpoq unammilligassallu imaannaanngitsuullutik.
'Atuakkiat ataasiinnarmik sammisaqarfiusut' ataanni piukkunneqarlutik toqqarneqarsimasut tassaapput:
Canada – Le Cochon du Museau à la Queue, Fédération des Producteurs de Porc du Quebec (Transcontinental)
Greenland – Tuttu Reindeer, Michael Rosing (Milik)
Italy – Arancia, Carmelo Chiaramonte, Elvira Assenza (Estemporanee)
Japan – Sukiyaki, Sakafumi Matsumoto (Kazan)
Poland – Kwiatowa-Uczta-Eating Flowers, Malgorzata Kalemba Drozdz (Egros)
Saqqummersitsineq unamminerlu pillugit ukunani paasisaqarnerusinnaavutit www.cookbookfair.com aamma www.gourmand-magazine.com
