Kalaallip immikkortinneqarsimaneranik suliaq naammassingajalerpoq
Suliaq juullinnginnerani ukiortaarsimatsiarneraniluunniit eqqartuussivimmi suliarineqartussanngorpoq.
Canadami eqqartuussiviit kalaallip ammip qalipaataa pillugu immikkoortinneqarsimaneranik aatsaat suliaqartussanngorput. Canadami Inuit Pisinnaatitaaffii Pillugit Ataatsimiititaliarsuup pisimasut Jonas Faberimut tunngasut misissoreerlugit akileraaruseriviup unnerluunneqarsinnaanera Eqqartuussivimmut itisilerlugu misissoqquaa. Akileraaruseriffimmi sulisut Jonas Faber pillugu ilaatigut ima allassimagamik:
"Nunap inoqqaavisa ilaat, uagutsitut qaqortumik amilittut akileraarnissap pingaaruteqarneranik paasinnissinnaanngitsoq!”
Jonas Faber eqqumiitsuliornermik suliaqarluni Canadami ukiuni 35-ni najugaqarpoq. Nikanarsarniarneqarninili misigissutsikkut artungajallugu Canadamiit nuunnissani eqqarsaatigisarnerarpaa.
- Qimaaginnarusunngilangali. Maani akiuukkusuppunga oqarfigisutut; - kalaaleq nikanarsariaraluarakku kukkuvutit”. Tunniutiinnarnavianngilanga, Jonas Faber naqissusiivoq.
Jonas Faber aamma isumaqarpoq Namminersornerullutik Oqartussat Canadami naalakkersuisut pisortatigoortumik utoqqatseqqusariaqarai.