Kalaallip ilinniartup ineeraa katersugaasivimmi

Kalaallit ilinniartut Danmarkimi inuunerat katersugaasivimmi qimerloorneqarsinnaasunngorlugu ammaanneqarpoq. Tamanna pisinnaalerpoq, Århusimi "Den Gamle By"-mi immikkoortortaq nutaaq ammarneqarmat, tassanilu takusarneqarsinnaalerluni Danmarkimi 1974-imi kalaallip ilinniartup angerlassimaffia ilaaqqissaarlugu ilusilersugaq.
juulip 05-at 2015 18:25
Nutserisoq Nauja Møller

Kalaallit ilinniartut Danmarkimi inuunerat katersugaasivimmi qimerloorneqarsinnaasunngorlugu ammaanneqarpoq.
Tamanna pisinnaalerpoq, Århusimi "Den Gamle By"-mi immikkoortortaq nutaaq ammarneqarmat, tassanilu takusarneqarsinnaalerluni Danmarkimi 1974-imi kalaallip ilinniartup angerlassimaffia ilaaqqissaarlugu ilusilersugaq.
Ammanngitsiarnerani ilinniartuusimasoq peqatigalugu inissiaq alakkarterparput.
- Arlaat inissiffigissallugu eqqarsaatigaajuk, soorlu igaffimmi atortut inissisimaffinnaavi eqqarsaatigisassaappat?
Sumininnguit tamaasa eqqarsaatigalugit inissitsiterisoqarpoq inissiamut 1970-imi iniusimasumut assingoqqissaartumut pulaartussat isinnginneranni.

 

Aamma atuaruk Kalaallit ilinniartuusimasut inaat katersugaasivimmi

Inuttut pigisat pingaarutillit

Ineeraq kalaallimit Helene Thiesenimit 71-inik ukiulimmit, Aalborgimi Meeqqerisutut ilinniartuutilluni inigineqarsimavoq:
 
Århusimimi Den Gamle Bymi Danmarkip oqaluttuarisaanera innuttaasut angerlarsimaffiinik takutitsinikkut oqaluttuarinissaa kissaatigaat, Helene Thiesenillu taamani najugaqarfiata takutinnera tamatumunnga ilaasoq, Katersugaasivimmi inspektøri Anna Wohk Vestergaard oqarpoq:
 
- Assigiinngisitaarneq takutikkusoqaarput. Angerlarsimaffiit assigiinngitsut 1974-mi qanoq amerlatigineri takutikkusupparput. Inuit tunuliaqutaat oqaluttuassartaallu assigiinngitsut takutinniarpavut. Tassa taakkuussapput danskit oqaluttuarisaanerannik takutitsinerpaasussat.
Helene Thiesen tassaavoq meeqqat 22-t Kalaallit Nunaannit ilaquttaminnit peersitaallutik Danmarkimut børnehjemmimut 1952-imi aallartitat ilaat.
Kingorna ilinniartuulluni Danmarkimi pingaartissimavaa, nunatsinniit pisataqarnissani. Pisattat maanna katersugaasivimmi takutinneqartussatut atukkiunneqarput.
- Reolerisimasara, nerrivik allattuisarfiga, pingaarnerpaarlu issiavik uaasartoq ilinniakkerisarfimalu ilaanissaa uannut pingaaruteqarsimapput. Aamma taskeq amermik suliaq angajuma tunniunnikuusaa ilannguppara. Taanna nungullarsimaqaaq, kisianni eqqarsaannarpunga: Taanna maaniissinnaassaaq, taamanimi aamma pigisama ilaanniissimavoq.

Helene Thiesenip oqaluttuassartaata oqaluttuarinissaata saniatigut, inigisap aamma Kalaallit Nunaata Danmarkillu akornanni politikkikkut atanerat oqaluttuarigaa, Anna Wohk Vestergaardip oqaluttuaraa.

- Taamani danskit oqaluttuarisaanerata ilaani qanoq ittoqarsimanera paaserusupparput, tassami nunasiaataanerup ingerlaanerani aamma tamakku pisimammata. Tamannalu sammerusuppara.
Helene Thiesenilli inuunermi ilaata qaangiutereersimasup saqqummersinneqarnera misigisaqarfiuvoq.
 
- Tupigusussimaqaanga peqataarusunnersunga siarngutigimassuk. Eqqarsaannarpunga: sunaana? Toqunanga suli katersugaasivimmiissaanga? Ajunngilarmi misilinniartigu.. hahahah

Helene Thiesenip ineerarisimasaa ineqarfiillu allat, 1970-mi Danmarkimi inigisaasunik assigiinngitsunik takutitsiviusoq juunip 26-anni ammarneqarput.