Kalaallinut Danmarkimiittunut siunnersuisarfeqalerpoq

Vejlemi kalaallinut siunnersuisarfik allaffik nutaaq ullumimit atulerpoq. Siunnersuisarfittaaq Odensemi kalaallit illuutaata pilersitaraa, siunnersuisarfillu Danmarkimi kalaallit isumaginninnikkut atugarisaannut tunngasunik siunnersuisassaaq.

- Kalaallit Danmarkimut nuukkaangata, pisortat naatsorsuutigisarpaat danskisulli pisinnaatigisinnaasarnissaat. Kisianni taama ajornanngitsiginngilaq, oqaatsit eqqaaginnarlugilluunnit ajornartorsiutigineqaqaat. Vejlemi siunnersuivittaami siunnersortitut atorfilik Lotte Bangsgaard oqarpoq.

Lotte Bangsgaard isumaqarpoq, kalaallit nuukkaangamik kulturimut allarujussuarmut nuuttarnerat ukiorpassuarni puigorneqarsimasoq.

- Ikiorneqarnissamik pisariaqartitsisinnaanerat maluginiarneqanngitsoortarpoq. Taamaattumik oqalutsilersornissamik, isumaginninnermut sulialimmik oqaloqateqarnissamut imaluunnit nakorsiassatilluni oqalutseqarnissamut ikiorsinnaavavut. Lotte Bangsgaard Vejlemi Radio VLR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat