Kalaallimik pinnerneqqusaattussaarupput

Tyrkiami pinnerneqqusaatsitsinissami Kalaallit Nunaat sinnerlugu qallunaamik sassartoqalernera akerleralugu, kalaallit namminneq piumassutsiminnik, kalaallinik arnanik sassartussanik ujaasipput, ujaasinermullu killissarititaasoq nallermat assit aaqqissuisumut nassiunneqarput, nassiussalli atorsinnaanngillat.

Peqataasussarsiortoq Peter Hagward ima nassuiaavoq:

-Arnat piukkunneqartut tamarmik naluuseqarlutik, aamma kjolemik assuuteqarlutik, kiisalu assiliseqattaarnerniit assinik nassiussisimassapput. Timaat uuttortaqqissaarlugit, atisallu angissutsit suut atortaraat paasissutissat tamarmik ilaasussaapput, taava aaqqissuisoqarfimmut paasissutissat nassiutissavakka taakkulu peqataasussat nalilersoqqaarlugit akuersissutigissavaat uangaanngitsoq.

Pinnerneqqusaatsitsinissap tulliani Kalaallimik ilaasoqassasoq Peter Hadward neriorsuivoq.

- Siunissami Kalaallimik arnamik piumasaqaatinut naapertuuttumik nassaarnissara qularinngilluinnarpara, arnanik assilisittartussanik ujaasisartoq Peter Hadward oqarpoq.