Kalaalimernit uummalluttunut

Skotlandimi Edinburgip universitetiani ilisimatuut misissorniarpaat kalaallit naggueqatittalumi nerisannaavi uummatip taqarsuisa ajoquteqatsaaliornerinut iluaqutaasinnaanersut, skottit aviisianni Evenings News-imit tamanna atuarneqarsinnaavoq.

Aalisakkat nerpigissut, arferit puisillu neqaat tamarmik Omega 3-mik akulerujussuupput – fedtsyre aalajangersimasoq.

Inuit misissuiffigineqartussat gruppinut marlunnut aggguataarneqassapput, gruppi ataaseq inuusuttunik ullormut ikinnerpaamik qulinik sikarittitotartunik inuttaqassaaq, aappaa pujortarneq ajortunik. Pujortarneq uumatikkut nappaateqalertarnermut pissutaanerpaat ilagaat.

Qangalili isumaqartoqarpoq Omega-3 uummammut ajunngitsumik sunniuttartoq, kisianni qanoq-ililluni sunniuttartoq uppernartumik suli paasineqarani. Maanna misissuinikkut siunertaavoq uummatikkut nappaatilinnut peqqissaataasinnaasumik nassaarnissaq.