Kalaalimernit ajoquteqanngillat

Kalaallit nerisannavut ulorianartuunngillat, kommunit kattuffiata siulittaasua, Jens Lars Fleischer oqallinnermut ilannnguppoq.

Amerikamiut atuagassiaasa ilaanni allaaserisaq radioaviisikkut ungasinngitsunnguakkut eqqartorparput amerikamiut oqartillugit nerisannaavut, soorlu puisip arferullu neqaat ilaatigut aqerlortaqangaaramik kviksølvertaqangaaramillu peqqinnissamut ajoqutaasartut.

Kanukokalli siulittaasuata Jens Lars Flesicherip qalleqqissarpaa uumasut imarmiut pineqartut pisataat aalajanngersimasut eqqarsaatigissanngikkaanni ullumikkut ilisimaneqartut malillugit nerisannaavut peqqinnissamut ulorianaateqanngilluinnartut, tassami puisit, arferit aalisakkat timmiarussallu ataasiakkaat tingui, tartui ilaatigullu orsui eqqarsaatigissanngikkaani mianersuutassaqangaanngilaq, tikaagulliullu mattaa akoorutissanik arrortikkuminnaatsortaqarmat eqqaasitsissutigissanngikkaanni.

Ummasullu nunamiut eqqaassagaanni taakku peqqinnarneroqqiffissaqanngillalluunniit, soorlu umimmaap, tuttup ukallillu neqaat ajoqusiisinnaasunik akoqanngilluinnangajallutik.

Nerisassat akuutissallu ulorianartut sukumiinerusumik paasisassarsiorfigineqarsinnaapput Kanukokap nittartagaani kanukoka naggat gl.