Inuussutissat avataaniit tikiussorneqartut unamillerneqarnissaat anguniarneqarpoq, Aalisarnermut naalakkersuisunngortussaq Ane Hansen oqarpoq.
- Naalakkersuisoqatigiilernissamik isumaqatigiissummi nerisassatigut imminut pilersorneq annertoorujussuarmik pilersaaruteqarfigivarput, Nunatta avataaninngaaniit inuussutissat annertuallaat pisiarisarpavut, taakkulu unammillernissaat eqqarsaatigalugit piniartut aalisartullu pilersuisinnaanerat annertusarusupparput nukittorsarusullugulu.
- Tassa piniartut aalisartullu pisarisinnaasaat, tulaassinnaasaat sinerissami inoqarfinni assigiinngitsuni inuussutissaarniarfinni pisiassat akornanni initulerulernissaat sulissutigissavarput, Ane Hansen oqarpoq.
Aningaasaliiffigisalerniarpisigit?
- Aningaasartuutit eqaarsaatigalugit maannamut tapiissutaasartut assigiinngitsut nalilersoqqissavavut, qularnanngilarlu tapiissutit pitsaanerusumik atornissaannik siunniussaqarsinnaanitsinnik nassaassaqartugut.
Ane Hansen aamma oqarpoq aalisartut peqatigiiffiisa, maannakkut sisamaasut, ataatsimoornissaat kissaatiginartikini, ataatsimoorneq nukittuunngortitsisarmat, avissaartuukkunik sanngiinnerussamata.