Kalaalimerngit akikillilersut
Nunatsinni kalaalimerngit akikinnerusut atuisartuusugut qilanaarisinnaanngorpavut. Qaammatimmi uuma naanerani kalaalimerngit Royal Greenlandip nunatsinni tuniniakkani akikillinialerpai.
![](/sites/default/files/styles/image_934x467/public/article_images/torsk_raeklinger_foto_arctic_green_food_630_1.jpg?itok=edwoDG5t)
Allattoq Mads Fisker, Knud Reimer
- Royal Greenlandip tunisassiaanik nunatta iluani tunisaqarnerulernissaata anguniarnera siunertaralugu tunisassiavut procentit qulit angullugit akikillinialerpavut, tunisassiornermi pisortaq Lars Nielsen ullumi taama paasissutissiivoq.
Royal Greenlandip nunatsinni tunisassiaanik atuisartuusugut akunnitsinni pisiariumaneqarnerpaat tassaapput saarulliit Kangaamiuni ukiuunerani panertitat aamma qullukkat Uummannameersut.
Aamma ammassaat qerititat Qeqertarsuarmeersut juulimi pisiarineqarsinnaanngoqqissapput, tassa ammassannik tunisassiorneq siornali uninngareerluni maanna aallarteqqinnialermat. Royal Greenland taama nalunaaruteqarpoq.