Kalaaliaqqat ataatsimoortinneqartarnissaat siunnersuutigineqarpoq
Aalborgip kommuniani suliamut tunngassuteqartunik ilisimasallit kalaallit meerartaannut klassetut tigusisartussanik pilersitsisoqartariaqartoq siunnersuutigaat. Taamatut aviisi Sermitsiaq allappoq.
Allattoq Lotte Holm
marsip 17-at 2009 10:54
Aalborgip kommuniani ilinniartitsisut, perorsaasut sulisullu sammisaqartinneqarneranni siunnersuut saqqummiunneqarpoq.
Klassetut tigusisartussani kalaallit meerartaasa tassanngaannaq nunartik qimakkaangamikku ulluinnarni toqqissisimanarnerusumik atugaqalernissaasa pilersinneqarnissaat siunertarineqarpoq.
-Taamatut avammut attaveqanngikkaanni maqaasisoqalersarpoq meeqqamut, ingammillu angajoqqaanut sunniuteqartartumik, taama psykolog Irene Munk Jensen aviisimut Sermitsiamut oqarpoq.
Aalborgimi Kalaallit atuartut 105-iupput kalaallisut inunnguuseralugu oqaaseqartut.