Kalaaleq toqutsisutut eqqartuussaavoq
Angut kalaaleq 24-nik ukiulik, kalaallimik allamik Københavnimi Sydhavnimi inissiat ilaanni siorna oktobarimi ernguttoqarnerup nalaani persuttaallunilu toqutsisimasutut, ukiuni aqqanilinni qaammatinilu arfineq-pingasuni parnaarussaasussanngortinneqarpoq.
Allattoq Mads Lynge
novembarip 19-at 2012 14:51
Frederiksbergip eqqartuussiviani ullumi taama aalajangiisoqarpoq. Angutip 24-nik ukiullip taassuma toqutani niaquatigut timaatigullu tilluarlugulu isimmittarlugulu tukkarlugulu Sydhavnenimi toqussimagaa, Frederiksbergimi eqqartuussiviup sapaatip-akunnerata siuliani aalajangerpaa.
Takunnittup eqqartuussivimmi nassuiaanermini ilaatigut oqaatigaa toqutaasoq qasseerpassuariarluni tilluarneqarlunilu isimmittarneqarsimasoq.
Eqqartuussineq eqqartuusseqataasartunit aalajangeeqataaffigineqarmat, taakkua tamarmik isumaqatigiillutik 24-nik ukiulik eqqartuuppaat.
Taassuma toqumik kingunilimmik persuuttaasimaneq nassuerutigaa, toqutsisimasutulli pinngitsuunerarluni.
