Kalaaleq taekwondortartoq EM-imi sølvinnattoq

Angutinnguaq Tittussen Nuummeersoq taekwondortartut Europami pissartanngorniuunneranni sølvinnappoq.
Allattoq Camilla Dam
maajip 04-at 2015 10:40
Nutserisoq Simon Uldum -

Taanna tul-imi unammeqataavoq, 5. gradimilu peqataasut marluinnaallutik.

Maniitsormiu Helge Heilmann ingerlalluartut ilagigaluarlugit finalertussaq unammigamiuk ajorsarpoq. Sisimiormiu Jonathan Jonathansen finalertussamut aamma ajorsarpoq.

Nuummiu Tina Nikodemussen nukittunerugaluarluni akunnattoorluni kukkusoorami ingerlaqqinngitsoorpoq.

Taekwondortartut nunanut unammisartut akulikinnerusumik nunat tamalaat unammiuaarnerini peqataasarnissaat nunanut allanut unammisartut sungiusaasuata Karl Larsenip pisariaqarsoraa.

- Nunanut allanut unammisartuutigut akulikinnerusumik angalaartaraluarunik sungiussinerussagaluarpug taamatullu ajugaanissaminnut periarfissaqarnerulerlutik. 

- Maannakkut aalajangerlsimasumik sponsoreqannginneq malunnarpoq, taamaattumik pimoorullugu sponsorissarsiorneq kattuffiup anguniatariaqaraa malunnarpoq.

Frikampimi unamminerit ullumi ataasinngornermi aallartinneqassapput, taakkunanilu angusaqarluartoqarnissaa Karlk Larsenip neriuutigaa.