Kalaaleqatitta ilaat Bulgariami nunarsuaq tamakkerlugu ullumi pissartanngorpoq.
Taanna tassaavoq 39-nik ukiulik TaeKwondo-rtartoq, Johannes Reimer, Sisimiuneersoq, TaeKwondullammassuit nunarsuarmi tamaneersut Bulgariami illoqarfiit ilaanni Sofiami pissartanngorniummata tul-imi, qisunnik napisaqattaarinermi, ajugaasoq.
Johannes Reimerip kuultinnannerata saniatigut kalaallit manna tikillugu tallimanik siilvinnapput ataatsimillu bronzinnallutik, Sisimiuni TaeKwondortartut siulittaasuat, Klaus Georg Hansen, nalunaarpoq.
Kalaallit TaeKwondomi pissartanngorniunnissaat Sisimiuni oktobarimi ingerlaneqassaaq.