Kalaaleq taekwondomi kuultinnappoq sølvinnallunilu
Taannami kuultinnallunilu sølvinnappoq.
Kunuk Hansen frikampimi kuultinnappoq specialteknikimilu sølvinnalluni.
Kunuk Hansen timersornermik ingerlataqarfiusumi Danmarkimi gymnasiartoq, Danmarkimut angerlartoq oqarasuaatikkut oqaaluukkatsinni oqarpoq, taamatut angusaqarnini tupaallaatiginagu:
- Ajugaanissara anguniarakku, taamatullu pisoqarmat oqiliallaatigeqaara, Kunuk Hansen KNR-imut oqarpoq.
Kunuk Hansen unammiuaarnermi kisiartaalluni Nunarput sinnerlugu peqataavoq, taamaariarmallu Hollandimiut gruppiminnut akuliutsipallappaat, sungiusaasuannillu tapersorneqarluarluni.
Tapersersorneqarnerali killilerneqarpoq, finalimi Hollandimiumut unammisussanngormat. Taamaakkaluartoq Kunuk dommerit taasinerinik 4-0-imik ajugaavoq.
Kunuk Hansen Nunatta Taekwondomi nunanut allanut unammisartuini juniorini ilaavoq.