Kalaaleq siulleq sakkutuutut aqqartartutut ilinniarpoq

31-nik ukiulik Kasper Broberg Danmarkimi sakkutuut aqqartartutut immikkut sungiusakkat ilinniarfianni kalaallinit siullersaalluni ilinnialerpoq. Ilinniakkani januaarip 18-iani aallartippaa.
Allattoq Nauja Møller
februaarip 11-at 2010 10:38

Sooq sakkutuutut aqqartartutut ilinnialersimanerluni Kasper Brobergip ima nassuiarpaa:

- Sakkutuup aqqartartutut immikkut sungiusakkap nunarsuaq tamakkerlugu suliassiissutit assigiinngitsut suliarisinnaasariaqarpai, soorlu qallunaat naalagaaffiat, Nato FN-ilu.

- Sakkutuumut aqqartartumut piumasaqaatit sakkortupput, taamaattumik imminut tatigineq, nukittussuseqarneq, piumassuseqarneq, qasusuinnissaq aqqartartutullu pikkorissuunissaq pigisariaqarput. Tamakku pissutaallutik ilinniarneq ulluinnarni sakkortusarpoq, Kasper oqarpoq.

Akeqqat killigisaasa tunuini akersuunnerit, ajortumeerinianik akiuinerit, aallarussanik aniguisitsiniarnerit, Kasper Brobergip siunissami suliassaasa ilagai. Kisiannili suliassat tamakku merserinngilai:

- Qilanaarpunga naammassinissannut, ilumoortumillu sulilernissannut, Kasper Broberg oqarpoq.

Sakkutuutut aqqartartutut immikkut sungiusarluni ilinniarneq ukiunik marlunnik sivisussuseqarpoq, nunani assigiinngitsuni amerlasuuni kiisalu Qallunaat Nunaanni sungiusarnernik atuagarsornernillu imaqarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq