Apuisoqarnerata kingorna angut apuisoq qimaasimavoq, politiillu pinerluttoqarsimanermik misissuinerisa kingorna pasineqartoq tigusarisinnaasimavaat.Assi: Midt- og Vestjyllands Politi

Kalaaleq sakkutuujusussaatitaasoq toqutaasoq: Apueriarluni qimaasimasoq marsimi eqqartuunneqartussanngortoq

Kalaaleq 22-nik ukiulik Jyllandimi Karupip timmisartoqarfiata eqqaani aqqusinermi pisuinnaat aqqutaatigoortilluni biilimit siorna oktoberimi aporneqarluni toquvoq. Angut uummassarneqarsimagaluarpoq annaanneqarsinnaasimananili.

22-nik ukiulik Aasiaat eqqaanneersuuvoq.

Angut 71-inik ukiulik apuisimasutut unnerluutigineqarpoq.

Mianersuaalliorluni toqutsisimasutut ajutoortoqarsimallutillugulu ajoqusersimasumit qimaasimasutut unnerluutigineqarpoq, Midt aamma Vestjyllandimi politiit taama paasissutissiipput.

Angutip 71-inik ukiullip eqqartuunneqarnissaa maanna ullulerneqarpoq.

Pineqartoq Viborgimi eqqartuussivimmi marsip ulluisa 31-anni sassartinneqassaaq.

AAMMA ATUARUK Sakkutuumik apuisoq toqutsisimasutut unnerluutigineqartoq

Apuisoqarnerata kingorna angut apuisoq qimaasimavoq, politiillu pinerluttoqarsimanermik misissuinerisa kingorna pasineqartoq tigusarisinnaasimavaat.

Angut 71-inik ukiulik politiinut nassuaateqarluni uumasumik apuisimasorisimavoq, taamaattumilu ingerlaannarsimavoq ikiortissarsioranilu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat