Kalaaleq qallunaat unammisartuiniiginnarpoq

Kalaaleq inuusuttoq cykelertartoq, Ricky Enø Jørgensen, qallunaat inuusuttut nunanut allanut unammisartuini ingerlaqqittusatut toqqagaaqqippoq.
oktobarip 21-at 2010 13:24

Ricky Enø Jørgensen, 21-inik ukioqartoq, ukiuni kingullerni marlunni qallunaat inuusuttut cykelertartuini unammisartuuvoq, qanittukkullu Danmarks Cykle Union-ip U/23-inik ukioq 2011-imi unammisartussanik toqqaanerani unammeqatigiittartuni A-ni ingerlaqqittussatut toqqarneqarpoq.

Unammisartoqatigiinni A-mi cykelertartut katillutik aqqaneq marluupput. Taakkua ilagivaat ilimanaatilissuaq Sebastian Lander aamma ukioq manna Nunarsuaq tamakkerlugu Qallunaat Nunaat sinnerlugu unammeqataasimasut sisamat.

Ricky Enø Jørgensen peqatigiiffini Glud & Marstand sinnerlugu Kinami unamminersuarnermi peqataaqqammerpoq. Unammersuarnermi tassani ulluni qulingiluani ingerlanneqartumi, Ricky Enø Jørgensen unammeqataasunit 107-init katinneranni nr. 97-iuvoq.

Ricky Enø Jørgensen-ip 2011-imi unamminissarpassuit peqataaffigissavai, ilaatigut U/23 Nations Cup aamma U/23-vit Nunarsuarmi pissartanngorniunnerat Qallunaat Nunaanni ingerlanneqartussaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq