Kalaaleq panaattartoq
Meeqqat inuusuttullu panaattartut Køgemi sapaatip akunnerata naanerani Danmarkimi pissartanngorniupput, timersuummilu tassani nutaanngilisussaanngitsumi immikkuullarissumilu kalaallimik pernaammik peqataasoqarpoq.
januaarip 21-at 2008 05:22
Aqqaneq-marlunnik ukiulik, Ole Lynge Petersen, angajoqqaami ilinniaqqinniarnerat pissutigalugu Danmarkimut 2006-ip aallartilaarnerani nuuttoq, timersuummik nuannareqisaminik, tassa panaannermik, aallartitsivoq.
Ole Lynge Petersen Århusimi Jysk Akademisk Fægteklubimi ukioq ataaseq panaattareerpoq, jyllandimiut fynimiullu pissartanngorniuttarneranni manna tikillugu bronzemik saqqarmiortaarsimalluni, Køgemilu sapaatip akunnerata naanerani Danmarkimi pissartangorniunnermut taamaalilluni peqataalluni.
Danmarkimili pissartanngorniunnermi saqqarmiortaanngilaq – fleuretimi peqataasunit 41-sunit Ole Lynge Petersen normu 31-nngortoq, arnaa, Elisabeth Petersen, Radioavisimut oqaluttuarpoq.
