Kalaaleq Mount Everestimik qaqisisoq oqalugiarpoq

Nunarsuarmi qaqqarsuit portunersaat Mount Everest Nepalimiittoq, kalaallini siullersaalluni qaqereerlugu Qasigiannguarmiu Nick Nielsen, sapiitsuliornini pillugu sinerissami illoqarfinnut arlinnut oqalugiariartortinneqarpoq, oqalugiarnerinullu inuppassuit takkussimapput. Nick Nielsen-ip oqalugiarnini Nuummi Katuami ippassaq naggaserpaa ilaatigut ima:

- Anaananga sianerfigivara oqarfigalugulu ”Nunarsuup qaavaneeqqissaarpunga”, taava anaama oqarfigivaanga pingasoriarluni ”Qanoq”? Taava uteqqippara-”Nunarsuup qaavaneeqqissaarpunga”- akivoq ”qanu?!” uteqqippara oqarlungalu massakkut uloriananngitsumiillunga, uffa ulorianarnerpaartaa aallartittoq, Nick Nielsen qaaqqarsuit portunersaata qaavani pisut pillugit taama oqaluttuarpoq.

Nick Nielsen Oqalugiareermat apersorparput soqutigineqartigineqarluarninilu tuppalliutigisimanerarpaa:

- Nuanneqaaq taama angalasimanera soqutigineqartoq, naatsorsuutigisimanngikkaluarpara taama soqutigitigissagaat. Taamaattumik nuannaartorujussuuvunga nunaqqatima soqutiginninnertik taama takutimmassuk.

Sineriami illoqarfiit Qaqortoq, Sisimiut Ilulissallu oqalugiariartorfigai, Qaqqarsuit portunersaannik qaqisiartornermini igasorisartik Nepalimiu Tok tikeraartitani ilagalugu.

Inupparsuarnut sunniisimanini imatut malugisimannginnerarpaa oqarlunili:

- Kisianni aallaqqaataaniillu oqariartuutigaara; soorunalimi soqutigisaqartut qaqisisinnaapput kisianni kalaallit qaqqasiortartunngortinniarlugit oqalugiaqattaanngilanga.

- Aanali oqariartuutiga; inuunermi arlaatigut iluatsinngitsumik aqqusaagaqarutta aamma aqagoqarpoq.

Nick Nielsen-ip qaqisiniarnera akikittuinnaasimanngilaq, aningaasassarsiornini qaqqasiornerminiit sulinarnerunerarpaa, akikinnerpaarlu atorlugu qaqisivoq:

- Tassa 200.000 koruunit missaanni atorsimavakka, kisianni aningaasarpassuunngillat, tassami akikinnerpaaq aqqutigalugu qaqqarsuaq qaqiniarsimagakku.

Nick Nielsen-ip qaqqasiornermini atisani naalakkersuisut siulittaasuannut ullumi tunniuppai, tunniussimmallu naalakkersuisut siulittaasuata Hans Enoksen-ip aamma tunissuteqarfigaa,

Qaqqarsuit qaqiuminaannersaannik ilisimaneqartoq Nepal-imiittoq ”K2”, Nick Nielsen-ip qaqiniagassamisut tullertut siunniunnialerunarini oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat