Kalaaleq Københavnip Universitetiani ilinniartitsisunngorpoq
Eskimologimik ilinniartitsinermi saniatigut kalaallit oqaasiinik tunngassuteqartumik ilisimatusaatigalugu misissuinermik suliaqassaaq. Taamatuttaaq internet atorlugu kalaallit oqaasiinik allammiunut ilinniusiornissamik aallarnisaasuussalluni.
Naja Blytmann Trondhjem, Upernavimmi peroriartorsimavoq, Ilisimatusarfimmilu bacheloritut naammassinermi kingorna Københavnip Universitetiani kandidatinngorluni.
Ukiut sisamat tulliuttut Københavnip Universitetiani eskimologimut nunanullu issittunut tunngassuteqartunut ilisimatusarnermut immikkoortortaqarfimmi oqaatsinik ilinniartitsutut sulereerluni ilisimatusarnini nangippaa, 2008-milu kalaallinit siullersaalluni oqaasilerinermut ilisimatuutut, ph.d-tut naammassilluni.