Kalaaleq filmeeraliortoq ajungaasoq

Filmeeraliaq Sverigemi Finlandimilu filmit pillugit katerisimaarnerni takutinneqarami nuannarineqarluaqisoq "Home" silap allanngoriartornerata malitsigisaanik inuttut oqaluttuarisaanikkullu qanoq inissisimanermik takutitassiaasoq, Kalaallit Nunaata kujataani filmiliarineqarpoq.

AAMMA ATUARUK Isiginnaagassiorfik kiisami aningaasannattoq

Independent Talent International film festival filmiliortunik nutaanik qaammatit tamaasa nittarsaassisarpoq, taakkua ilisimaneqarneruleqqullugit. Filmit 50-inik ikinnerunngittut novembarimi ukioq manna unammeqataapput, taakkunanilu “Home” torrallataanerpaatut toqqarneqarpoq.

Unammeqataaqqilerpoq

Inuk Jørgensenip filmeeraliaa “Home” tassungaannaq killinngilaq.

Filmeeraliaq peqataatinneqarnissaminut Dunedin International Film Festivalimut Floridami januaarimi ingerlanneqartussamut aamma toqqagaavoq. Festivalimi pilerlaajusumi filmiliat naatsut filmiliortartunut allanut takutinneqassapput kiisalu filmiliortartut katerisimaassallutik.

Matumap ataani takusinnaavat Inuk Jørgensen filmeeraliaa `Home` takusinnaavat: