Julie Nathanielsenip sumiinneranik paasissutissaateqaruit takusimagukkuluunniit Østjyllandimi Politiit attavigissavatit.Assi: Henning Bagger/Ritzau Scanpix

Kalaaleq arnaq Aarhusimi ujaarineqartoq

Østjyllandip Politiviisa arnaq, 58-inik ukiulik, Julie Nathanielsen januaarip arfineq-pingajuat, 2020-mili kingullermik takuneqartoq ujaaraat, innuttaasuniillu ikioqqupput.

Julie Nathanielsen Aarhusimi Frydenlundcenterimi ajorpasinngitsoq januaarip arfineq-pingajuanni kingullermik takuneqarpoq.

Julie Nathanielsen imerajuttuunerup nassataanik puigortunngoriartortuuvoq, taassumalu ilaqutai naapertorlugit nammineq isumagisinnaalluni.

Tammaaneqartoq piffissami sivikitsumi, ullut tallimat tikillugit siusinnerusukkut tammaqqasarsimavoq, taamali maannakkutulli sivisutigisarani. Ujaarineqartoq oqarasuaateqanngilaq kinaassutsiminullu uppernarsaatinik arlaannik tigummiaqarani.

Julie Nathanielsen Klostertorvimi Aarhusimiittumiikkajuttarlunilu najugaqarfigisami eqqaaniittumi Frydenlundimiikkajuttarpoq. Aammali Aarhusimiit busserluni allamukartarnikuusimalluni.

Julie Nathanielsen ima nassuiaatigineqarpoq:

Foto: Østjyllands Politi
  • 58-inik ukiulik
  • 160 cm-it missaannik angissusilik
  • Kalaaleq
  • Tuattoq
  • Takkajaanik qernertunik nujalik
  • Kingullermik takuneqarami kavaajaq qarliillu qernertut atorpai

Julie Nathanielsenip sumiinneranik paasissutissaateqaruit takusimagukkuluunniit Østjyllandimi Politiit oqarasuaammut +45 87311448-mut attavigissavatit.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat