Kalaaleq 14-inik ukiulik Jyllandimi aallarunneqariaraluartoq
Niviarsiaraq kalaaleq 14-inik ukiulik Vejlemi sisamanngornermi aallarunneqariaraluarpoq.
Allattoq Ane-Marie Petersen
Niviarsiaraq taekwondomut sungiusariartilluni tiguneqarpoq bussillu unittarfiisa eqqaanut biilinukaanneqarlunilu.
Sydjyllandimi politiit tusagassiuutinut nalunaaruteqarlutik taama allapput.
Biilit inuit aqqusinikkut ikaartarfiannut uninnerini niviarsiaraq qimaavoq.
Biilit taartunik qalipaateqarput, aquttorlu arabiamiusut isikkoqarpoq, 30-vit missaani ukiulik. 180 centimeterinik missaani angissusilik taartunik naatsunik nujaqarpoq. Qaqortumik tujuuluaraqarluni kajortunik taartunik qarlilik.