Trump pissaanermik atornerluisimasutut Senatemi pinngitsuutinneqarpoq
USA-p præsidentiata Donald Trumpip pissaanermik atornerluisimasutut senatimi eqqartuussaanerani ippassaq unnukkut taasisoqarmat amerlanerussuteqartut pinngitsuutippaat.
Trumpip atornerluisimasutut unnerluutigineqarnerani taasisoqarmat senatorit 52-it Trump pinngitsuunerarpaat, 48-t pisuutikkaat.
Unnerluussutit aappaanni taasisoqarmat 53-it Trump pinngitsuutippaat, 47-t pisuutitsisut. Unnerluussutit aappaat tassaavoq USA-mi kongressip Trumpimik misissuineranut Trumpip suliamut akornusersuisimaniarnerarneqarnera.
Donald Trump præsidentitut aatsaat peersitaasinnaavoq senatimi 67-it isumaqataappata. Republikanerillu senatimi ilaasortat 53-iummata amerlanerussuteqartut Trump tapersersorpaat.
Republikanerit sinnerlugit ilaasortaP Mitt RomneyP, republikanerini kisiartaalluni Trumpip pisuutitaanissaa pillugu taasiniarnini, taasisoqarnissaa sioqqutitsiarlugu nalunaarutigaa.
Mitt Romney, republikanerit sinnerlugit præsidentimut 2012-imi sassarpoq.
- Qineqqusaarnerup nalaani nammineq qinigaanissani pillugu eqqunngitsuliorneq, neriorsuutiminik eqquutsitsinnginnerit annersarigunarpaat, Romney, taasisoqalernerani ilaatigut oqarpoq.
/ritzau/