Norgemiut qaraasiakkut attaveqaataannik Kinamiut Ruslandimiullu saassussisinnaanerat aarlerisaarutigineqartoq
Kinamiut IT-mik suliffeqarfissuata Huaweip inissisimanera maluginiarneqartariaqartoq oqaatigineqarpoq.
- Nunat marluk isumannaallisaaneq pillugu politikikkut suleqatiginngisagut pivagut, taakkua Norgemut Norgellu soqutigisaanik isertortumik paasiniaasartut
Rusland Kinalu pineqarput, Norgemi isertortumik paasiniaasartut PST-ip pisortaa Benedicte Bjørnland oqarpoq.
Nunat taakkua marluk Norgemi paasissutissanik qarasaasianilu toqqortortaatigineqartunik tillissinnaanermik piginnaasaqarput Benedicte Bjørnland oqarpoq
Huaweip mobiliit attaveqaataannik 5G-mik nutaamik ineriartortitsinera inissisimaneralu nunanit arlalinnik ernummatigineqarluni oqaatigineqarpoq.
5 G- mik ineriartortitsinermi Danskit qarasaasiaqarfiat TDC Huaweimik qanittumik suleqateqarpoq.
Benedicte Bjørnlandip eqqaasitsissutigaa, suliffeqarfiit namminersortut Beijingimi kisermaassillutik naalakkersuisunik suleqateqarnissaminnik pisussaaffilerneqarmata.
Norgemi qarasaasianik mobiilinillu suliffeqarfiit Telenor aamma Telia Huaweip 4G-imik attaveqaataanik atuisuupput.
Kinamiut qarasaasianik suliffeqarfissuata attaveqaataa 5G maanna misilittarneqarpoq.
