Tasiilami arfinngorpat piterarnissaa DMI-mit ilimasaarutigineqarpoq
Tasiilami aqagu piterarnissaanik ilimasaarisoqarpoq. Tamanna Kalaallit Nunaanni politiit aamma Sermersuumi Upalugaarsimasut tusagassiuuitnut nalunaarutigaat.
Ullup ingerlanerani anori sakkortusiartussasoq ilimasaarutaavoq unnukkiartorneranilu arferngup missaani sekundimut 30 meterit tikillugit sakkortussuseqalernissaa ilimasaarutaalluni.
Unnukkut qulingiluat missaani suli sakkortuninngortussaassasoq ilimasaarutaavortaaq tassa sekundimut 50 meterinik anoraasuarujussuartarnissaa ilimasaarutaalluni.
Kommuneqarfik Sermersuup immikkoortortat aammalu suliffeqarfiit weekendini nalinginnaasumik ammasartut piterarnerani matoqqatinneqassasut nalunaarutigineqarpoq.
Ajornartoortoqartillugu inuttaasut najukkami oqartussanut attaveqarsinnaapput politiinut normumut uunga: 70 14 48-mut imaluunniit Upalugaarsimasunut uunga: 25 09 96.
