KAK ivigaasaaqqanik arsaattarfiit pillugit DBU-mik isumaqatigiissuteqarusuttoq

Nunatsinni angisuumik ataasinnarmik 2015-imi ivigaasaaqqanik arsaattarfeqaraluarpoq. Ivigaasaaqqanilli arsaattarfiit anginerit pingasut kommuninit aningaasalersorneqarlutik pilersinneqareerput.

Taamaammat KAK-p DBU-llu isumaqatigiissutaat nalilersorneqaqqittariaqalertoq, Kalaallit Nunaanni Arsaattartut Kattuffianni pisortaq isumaqarpoq.
 
Kalaallit Nunaanni Arsaattartut Kattuffiat KAK aamma Dansk Boldspil Union DBU kommuninit aningaasaliisartunillu allanit aningaasalersorneqartussanik ivigaasaaqqanik nutaanik ikinnerpaanik arfinilinnik 2025-mi arsaattarfeqalersimanissamik siornaak isumaqatigiissusiorput.

AAMMA ATUARUK Narsami ivigaasaaqqanik arsaattarfik atoqqaartinneqartoq

Tamannali pisariaqarsimanngilaq arsaattarfiimmi tamarmik kommuninit akilerneqarsimapput.

-Ineriartorneq tupaallannarpoq, tamannalu nuannaarutigaarput. Tamannalu isumaqarpoq DBU-lu isumaqatigiissuterput nalilersoqqittariaqaleripput. Angusagut annertupput ukiumullu aggersumut nutaamik isumaqatigiissusiornissaq piffissanngorpoq, KAK-mi siulittaasoq John Thorsen DR-mut oqarpoq.

Europami arsaattartut kattuffianni UEFA-mut aamma nunarsuaq tamakkerlugu arsaattartut kattuffianni FIFA-mut Kalaallit Nunaat ilanngutissasoq KAK-mi anguniagaavoq, ilaasortaaffigilerniaraannilu tamakkiisumik angissusilinnik ivigaasaaqqanik arsaattarfeqarnissaq piumasaqaataavoq.

Nunatsinni aamma arfineq-marlunnik ivigaasaaqqanik arsaattarfeeraqarpoq.

AAMMA ATUARUK Nunanut allanut unammisartut sungiusaasussaat toqqarneqartoq

AAMMA ATUARUK John Thorsen siulittaasussarsiornermi sassaqqinniartoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!