Nammineq kajumissutsimik sulisoq: Kajumissutsimik sulisut kinguaassiutimikkut atornerlugaasunik ikiuerusuttut

Kimmernaq Kjeldsen aamma Arnánguak Skifte Lynge kajumnissutsimik ikiuukkusuttunik allanik sapaatip akunnerani uani ataatsimeeqateqarput.

Tasiilami meeqqat ilaatigut kinguaassiutimikkut atornerlunneqarsimallutik erloqisut amerlanerat, DR-ip piviusulersaarutaatigut aalakaatinneqareersoq, Facebook-ikkut hashtag #Susinnaavunga nammineq kajumissutsimik ikiuukkusuttut saqqummillattaarput. 

Taakkununnga ilaapput erinarsortartoq isiginnaartitsisartorlu Kimmernaq Kjeldsen aamma Arnánguak Skifte Lynge, Nuummi iliuuseqarusuttut. Taakku allat ikiuukkusuttut peqatigalugit ataasinngormat siullermeerlutik naapipput.

Nunatsinni isumaginninnikkut ajornartorsiutit, aammalu meeqqanik kinguaassiutitigut atornerluisarnermi ajornartorsiutit angisuut pillugit, Nunatsinni oqallittoqangaatsiarpoq. Pissutsinillu akueriuminaatsunik allannguisoqassappat:

- Nukissamik aamma tunniussisariaqarpugut, piffissaq uanga nammineq inuttut piga aamma atorlugu kajumissutsimik sulisariaqarpunga allanngortoqassappat, Arnánguak Skifte Lynge oqarpoq.

Nammineq kajumissutsimik suleqataajumasut agguataakkanik suliassaqarlualereerput. Sulinerli ataasinngormat aatsaat aallartimmat saaffiginninnerit aallartisarput. Iluatsikkumaassanersulli neriorsuutigisinnaanngilaat. 

- Massakkut Kommunimut allagaqarpugut maani Nuummi misilittagaqareersut NUIFF-ikkut aamma Illorput attavigivarput. Tassani inuit akissarsiffianni ullut 14-ikkaarlugilluunniit unnuiartortoqartarsinnaanersoq, meeqqanut inuusuttunullu pisariaqartitsisunut qimarnguik, Kimmernaq Kjeldsen oqarpoq.

Facebook-ikkut hashtag #Susinnaavunga atorlugu sassartut maannamut aqqqaneq marluk ersipput, taakkunanilu Kimmernaq Kjeldsen ilaavoq, taannalu oqarpoq inuit utaqqiinnannginnissaat pingaaruteqartoq. 

Taamaammat meeqqat inuusuttullu ajornartorsiortut pillugit nammineq qanoq iliorsinnaanerluni imminut aperisariaqarpoq.

- Suna tamaat uatsinnut tunniunneqassanngilaq, inuk imminut aperissaaq uanga qanoq ikiuisinnaavunga?
Nammineq kajumissutsimik ikiuukkusuttut pinngitsooratik meeqqanik pinerliisimannginnermut uppernarsaamik tassa børneattestimik piumasaqaatitaqarpoq.

Nammineq kajumissutsimik ikiuukkusukkuit illoqarfigisanni nunaqarfigisanniluunniit kommunimut saaffiginnissinnaavutit.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat