Kajumissutsimik nalunaarsuineq ammanerulersitsissaaq

Kommunalbestyrelsimut nunaqarfinnilu aqutsisunut ilaasortat taamaalillutik qinikkatut sulinermik saniatigut sunik isertitaqarnerlutik siunissami ilisimatitsisutigissanerlugu toqqarsinnaalissavaat.
 
Qinikkat aningaasatigut soqutigisaasa nammineq kajumissuseq tunngavigalugu nalunaarsorneqartalernissaannik eqqussinissaq kommunalbestyrelsimit ukiut marluk matuma siorna aalajangerneqarpoq, taamaammat nalunaarsuinissamut malittarisassat maanna piareerneqarnerat borgmesterip Asii Chemnitz Narupip nuannaarutigaa.
 
- Siunissaq eqqarsaatigalugu, qinikkat inuttut aningaasatigut soqutigisaasa minnerunngitsumillu qinikkat kinaassusersiunngitsumik aalajangiisarnerannut innuttaasut tatiginninnerat, sapinngisamik ammanerusumik qulakkeersinnaalerparput, borgmester Asii Chemnitz Narup tusagassiorfinnut nalunaarummi taama oqarpoq.
 
Qinikkat aningaasatigut soqutigisaat suut kommunip nittartagaatigut siunissami saqqummiunneqartassanersut kommunalbestyrelsip siorna decembarip qaammataani akuersissutigaa.