Oqartussaasut nutaanik piumasaqaateqalernerat suliffeqarfiup nammineq anigaasaatimi pingajorarterutaanik taarsigassarsiniarnissa pisariaqalersinnaavoq.Assi: Kalaallit Airports

KAIR-ip 900 millionit koruuninik taarsigassarsisinnaanissaa Demokraatit Nunatta Qitornaasalu tapersersoraat

Kalaallit Airportsip 900 millionit koruuninik taarsigassarsisinnaanissaa Demokraatiit Nunatta Qitornaasalu tapersersorpaat.

Suliffeqarfiup aningaasarpassuarnik attartornissamik kissaateqarnera Inatsisartuni Sanaartornermut ataatsimiititaliamit, Inuit Ataqatigiinnit Partii Naleqqamillu isorineqarpoq.

Milliard kooruuningajannilli taarsigassarsisinnaaneq partiinit marlunnit naalakkersuisoqatigiissimasut akornutissaqartinngilaat.

-Demokraatit nangaariarnatik mittarfinnik sanaartornissaq attanneqassasoq sulissutigissavaat. Nunatsinnut iluaqutissat qanoq angitiginersut uagut qularinngilarput, taamaattumik Demokraatit nangaarianngiivillutik suli tapersissavaat, Demokraatit siulitaasuat Jens Frederik Nielsen KNR-imut oqarpoq.

AAMMA ATUARUK Mittarfiit: 900 millionit koruuninik atorniarusunneq partiinik ernumalersitsisoq

Kalaallit Airports 900 millionit koruuninik taarsigassarsisinnaanissamut periarfissaqarusuppoq. Oqartussaasut nutaanik piumasaqaateqalernerat suliffeqarfiup nammineq anigaasaatimi pingajorarterutaanik taarsigassarsiniarnissa pisariaqalersinnaavoq.

Kalaallit Airports International A/S-ip aningaasaqarnera

Nuummi Ilulissanilu mittarfissuassat Namminersorlutik Oqartussanit danskillu naalagaaffianit aningaasanik Nationalbankenimit Nordisk Investerings Bankenimillu atornikkut pigineqarput.
 

Namminersorlutik Oqartussat: 1,400 mia. kr.
Naalagaaffik: 700 mio. kr.
Nationalbanken (taarsigasseeqqinneq): 450 mio. kr.
Nordisk Investerings Bank (atorneq): 450 mio. kr.

Katillutik: 3 mia. koruunit.

Sanaatornermut Ataatsimiititaliaasimasup innuttaasut akiligassinneqarsinaanissaat ernummatigaa.

- Taamaammat Sanaartornermut Ataatsimiititaliaq tamatumani alaatsinaanneroqqullugulu innuttaasunut tamanna pillugu qaammarsaanerunissaanik kaammattorparput. Inuimmi aningaasaataat uani pineqarput, Justus Hansen Sanaartornermut ataatsimiititaliaasimasumeersoq oqarpoq.

AAMMA ATUARUK Justus Hansen: Mittarfissualiornernut aningaasaqarnermik aallaqqaataaniilli aqutsinerluttoqarpoq

Mittarfiliortiternissamut tunngasumik inatsit sinaakkkutaasoq 2018-meersoq naapertorlugu, Kalaallit Airportsip sanaartortitsinini nammineq aningaasaatigisat taarsigassaarsiallu atorlugit aningaasalersuissaq.

- Taamaalilluni taarsigassarsinissaq aktiaatillit akuersissutigisussaanngilaat, tamannali pillugu ilisimatinneqassallutik. Taarsigassarsiassat qularnaveeqqusiisoqarnissaa taarsigassarsisitsisut aatsaat kissaatigissappassuk, Naalakkersuisut Inatsisartut Aningaasaqarnermut Akileraartarnermullu Ataatsimiititaliaata akuersissuteqarneratigut qularnaveeqqusisapput,Ineqarnermut attaveqaqatigiinnermullu naalakkersuisoqarfik KNR-imut itisiliilluni allappoq.

 

AAMMA ATUARUK KAIR: Piumasaqaatit nutaat 900 millionit koruuninnik immaqa naleqassapput

Nunatta Qitornaani siulitttasoq, Vittus Qujaukitsoq mittarfissualiarsuit inuussutissarsiornikkut ineriartornermi qimuttuussasut isumaqarpoq.

- Tunngaviusumik mittarfissuit sanaartorneri aalajangiusimasariaqarpagut inuiaqatigiinnut siunissamullu aningaasalersuinerummata, aamma Kalaallit Airportsip piginnaatinneqarnera aallaavigalugu sulinerat uanga toqqissisimaffigivara, Vittus Qujaukitsoq KNR-imut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat