Kaffisorluartarit, taava eqqaamallaqqinnerussaatit

Ullaakkut kaffi, ulloqeqqanut kaffi, unnukkullu kaffi.

Tassalu taakkuupput danskit kaffimik najoqqaaniartillutik najoqqaafigiumasartagaat.

Arnaagaannilu utoqqalaajullunilu tiitorfiit kaffisugassat koffeinitallit anikillisittariaqanngillat.

Franskilli ilisimatuuisa paasisimavaat, arnat utoqqanngulersut 65-it sinnerlugit ukiullit, ullormut tiitorfiit pingasut sinnerlugit kaffisortartut, ullormut ataasiaannarlutik kaffisortartuninngarniit eqqaamallaqqinnerusartut.

Tamannalu Københavni universitetianeersumit Dr. med. Arne Astrupimit tupaallaatigineqanngilaq.

- Aappaatigut tupaallaatigivallaanngilara utoqqaanerusunut kaffi eqqaamallaqqinnerulersitsisinnaappat.

Qangali ilisimavarput koffein kaffillu akui allat qaratsamut nukinnullu nukittuallannartoqartut.

Eqqumiiginarsinnaagaluartumilli angutit eqqaamaniartarnerannut kaffi sunniuteqarneq ajorpoq.

Misissuinermi siulersortaasut eqqoriarpaat, kaffip akua, koffeini, arnanut sunniutillaqqinnerusartoq angutinut sanilliullugu.

Danskit nunarsuatsinni kaffisornerpaanut pingajuupput, kaffisornerpaallugooq tassapput 60-it sinnerlugit ukioqalereersimasut.