Kabel 4.700 kilometerinik takissusilik suliaralugu aallartilerpaat

Sapaatiuppat juulip ulluisa 20-ani imaatigut kaabeli 4.700 kilometerisut isorartutigisoq suliaralugu aallartinneqassaaq. TELE-POST aalajangersimavoq imaatigut kaabeli ”Greenland Connect”-imik atserneqassasoq.
Allattoq Jaaku Lyberth
juulip 17-at 2008 16:58

Tassani pilersaarutaavoq TELE-POST-imi atuisuisa ukioq 2009-ip aallartinnerani qaammatini siullerni pingasuni atorsinnaalissagaat.

Katillutik umiarsuit sisamat kaabelip suliarinerani peqataapput, siullerlu Newfoundlandiimiit Canadameersumit aallartissaaq. Umiarsuaq siulleq Blue Castor, Miltoni-mi Newfoundlandimiit sapaatiummat aallarpoq. Aallaqqaammut immap naqqani kabelitoqqanik, aalisartut atortukuinik, ujaqqanik allanillut kabelimut ajoqutaasinnaasunik piiaavigissavaa, kingornalu kabeli immap naqqanut assaassinikkut umiarsuarmit allamit Mærsk Rsponder-imit inissinneqassaaq, - umiarsuarlu taanna sapaatiuppat juulip 20-ani Miltonimit, New Foundlandimiit aallassaaq. Aamma umiarsuit pingajuata, Peter Faber-ip kabelip aqqutaa, sulinerlu tamarmi pissusissamisut ingerlanersoq ataavartumik

nakkutigissavaa.

Kiisalu aggustip aallartinnerani.

imaatigut kabelilersuinermi umiarsuit sisamaat, Ile de Sein Islandimiit ilioraallunni aallartissaaq. Pilersaarutit malillugit umiarsuit marluusut Mærsk Responder aamma Ile De Sein septembarip aallartilaarnerani Kalaallit Nunaannut anngutissapput, aappaa Qaqortumut aappaalu Nuummut.

Tamatuma kingorna TELE-POST-ip Nuup Qaqortullu akornanni kabeli inissinneqartoq misilersarsinnaanngussavaa, pilersaarutaavorlu TELE-POST-ip atuisuisa ”Greenland Connect” ukioq 2009-p aallartinnerani qaammatini siullerni pingasuni atorsinnaalissagaat.

TELE-POST-ip ukioq 2008-p naalernerani attaviit misilerassavai, imaatigullu kabeli ukioq manna novembarip 29-ani pisortatigoortumik tiguneqassaaq.

TELE-POST-imi atortorissaarutinut pisortaq Jørn Jespersen oqarpoq, umiarsuaq Blue Castor juulip ulluisa 20-ani New Foundlandimiit avalappat, imaatigut kabeliliinissaq pappiaqqatigut pilersaarutaaginnarunnaarluni imaatigut piviusmik attavilersuilernermik kinguneqassasoq.

”Greenland Connect” 750 mio. koruuninik akeqassaaq.