Kaasarfissiuisartut tigusarineqartut
Nukappiaqqat marluk 16-inik 19-illu ukiullit arlaleriarlutik kaasarfissiuisarsimasutut Qaqortumi politiinit tallimanngormat tigusarineqarput.
Allattoq Louise M. Kleemann
Politiit paasissutissiinerat malillugu meeqqat ukiukitsut arlallit nukappissanit taakkunannga marlunnit piffissap sivisuup ingerlanerani kaasarfissiorneqartarsimapput, cigaretsiutaannik aningaasaataannillu arsaarneqartarlutik.
Nukappiaraq 19-inik ukiulik apriilip 15-iata tungaanut tigummigallagaasussanngorlugu eqqartuunneqarpoq, aappaalu 16-inik ukiulik apriilip arfineq-pingajuata tungaanut tigummigallagaasussanngorluni.