KA: Nersornaasigassamik inassutissaaleqinarpoq

Nunat avannarliit siunnersuisoqatigiivisa atuakkiortunut ukiumoortumik nersornaasiuttagaannut atatillugu Nunatsinnit nersornaasigassatut piukkutamik ileqquusumik aamma inassuteqartoqangajalerpoq, Nunatsinnilli inassutigineqartut arlaannaallunniit ukiuni kingullerni qulini nersornaatisisimanngilaq.

- Ilumoorpoq ajugaasimannginnatta, unamminermili tamatigut ajunaanissaq ilimagineqartariaqanngilaq. Oqaatsivut atorlugit saqqummersittakkavut ikittuinnaasarmata skandinaviamiut oqaasiinut unammillissalluni ajornakusoortorujussuuvoq, kisianni unammillernermi imaanngilaq annertussuseq apeqqutaassasoq. Pitsaassuseq tassani apeqqutaasariaqarpoq, taamaattumik imaassinnaavoq tamanna uagut suli nallersimanngikkipput, Kalaallit Atuakkiortut siulittaasuat Aqqaluk Lynge nassuiaavoq.

Assersuutigalugu Atuakkiorfimmit atuakkat assigiinngitsut ukiumut qulit 15-illu akornanni saqqummersinneqartarput, ukiumut aningaasaliissutit 900.000 koruunit iluanniillutik. Taamaattumik atuakkamik saqqummersitsinissamut periarfissat annertuutut taaneqarsinnaanngitsut, Aqqaluk Lynge isumaqarpoq.

Taamaakkaluartorli nunat avannarliit killiit atuakkiortunut nersornaasiuttagaannik kalaallit qaquguluunnit pissarsisinnaanissaat qularutiginnginnerarpaa, atuakkat skandiviamiutuunngortinnissaat ajornaquteqanngereermat.

- Nunatsinni atuakkiornikkut nunarsuarmioqatitsinnut malinnaavugut ? Inuit qangaaniilli piginnaassusaat oqaluttuallaqqissusersuaq, taama allassinnaaleraluarutta nalunngilara allatulli soorlu amerikap kujataani atuakkiortorsuartut periarfissaqalissasugut. Ajugaanissamut periarfissaqarpugut oqaluttuallaqqissorsuarnik ulikkaaratta, allaannariaasugununa naqillugillu atuarlugillu. Inuit aamma ullumikkornit naleqqiullugit atuarnerusariaqarput, Aqqaluk Lynge tunngavilersuivoq.

Isumaqarpoq nunatsinni inuiaqatigiit 50.000-it sinnilaaginnarmagit taamalu atuakkat kalaallisut oqaasertallit saqqummersinneqartartut ikittuinnarnit atuarneqarsinnaasarmata, atuakkanik amerlasuunik saqqummersitsinissaq tunisisinnaanerlu killeqartartoq.

Taamaattumik atuakkanik atuartartut ikiligaluttuinnalernerat maluginiarneqarsimammat, inuusuttunut atuakkiornermik soqutigisalinnut peqatigiiffik immikkut aaqqissuussinissamik, soorlu taalliortunut Nuummi novemberimi festivalertitsinissamik pilersaaruteqartoq. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat