K-33 ajugaaniutivinnissamut annguppoq

Arsaalluni pissartanngorniunnerni Qaqortumi ingerlanneqartuni semifinalit ullumikkut ingerlanneqartut siulliit naammasseqqammerput.
aggustip 24-at 2008 14:16

N-48 aamma K-33 nalunaaqutaq ataatsimiit unammimmata K-33 pingasoraarluni ajugaavoq Nagdlúnguak’ marloraartoq, unamminerup naammassilivinnerata tungaanut tamarmik ataaseraaqqanikuullutik, minutsit kingullerpaat atorlugit K-33 aappassaa pingajussaalu isertitsivoq, taamaalillunilu ajugaaniutivinnissamut aqagu pisussamut annguppoq.

B-67 FC-Malamullu nalunaaqutaq pingasunut unammilissapput, unamminerlu KNR-TV-kkut Radio-kkullu toqqaannartumik malinnaavigineqarsinnaavoq.