Covid-19-ip ilungersunartorsiortitsineranut atatillugu pissutsit pitsaanerulissappata, Air Greenlandip inissat amerlanerusut ammaassiffigissallugit piareersimaffigaa.Assi: Simon Uldum

Københavnimit nunatsinnut billetsit aggustip qiteqqunnerata tungaanut nungukkallartut

Københavnimit Kangerlussuarmut juulimi angalanissamut billetseqannngikkallartoq, Air Greenland ilisimatitsivoq.

Timmisartup qangattarpalunnera mippalunneraluunniit, amerlasuut sulinngiffeqarluni angalanermut tunngatittarpaat. Air Greenlandilli maanna nalunaarutigaa, Københavnimit Kangerlussuarmut billetsit aggustip ulluisa aqqaneq-aappaata tungaanut nungukkallartut. Air Greenlandip tamanna KNR-imut uppernarsarpaa.

Maannalu billetseqanngikkuit Kalaallit Nunaannut aasaanerani angalanissat ajornakusoorsinnaassaaq. Air Greenland KNR-imut ima allappoq:

- Københavnimit Kangerlussuarmut juulimi angalanissamut billetseqannngikkallarpoq, angalanermummi killilersuinerit suut juulimut atuutissanersut Kalaallit Nunaanni oqartussat suli nalunaarutiginngilaat. Covid-19-ip ilungersunartorsiortitsineranut atatillugu pissutsit pitsaanerulissappata, Air Greenlandip inissat amerlanerusut ammaassiffigissallugit piareersimaffigaa.

Air Greenlandimi attaveqaqatigiinnermut akisussaasoq, Katja Vahl, KNR-imut taama oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat