Københavnimimi kommunini 17-ini imerniartarfiit, sutorniartarfiit neriniartarfiillu sisamanngorpat septembarip ulluisa 17-ianniit ulluni 14-ini atuuttumik unnukkut nalunaaqutaq qulinut matusalissapput. Tamatumalu saniatigut taakkunani nikorfaannarlutik isersimasut qanermut assiaquteqarnissaat piumasaqaataalissalluni.Assi: Scanpix

Københavnimi sutorniartarfinni qanermut assiaquteqarnissaq piumasaqaataalertoq

Danmarkimi inuit 334-t coronavirusimik tunillatsissimasutut ullup unnuallu kingulliit ingerlaneranni paasineqartut, danskit peqqissutsimut ministeriat Magnus Heunicke tusagassiortunik aggersaanermi ilisimatitsivoq. 

Danmarkimi inuit 334-t coronavirusimik tunillatsissimasutut ullup unnuallu kingulliit ingerlaneranni paasineqarput.

Danskit peqqissutsimut ministeriat, Magnus Heunicke (S), tusagassiortunik marlunngornermi aggersaanermi taama ilisimatitsivoq.

Tassa imaappoq, inuit coronavirusimik tunillatsissimasutut ullut sisamat tulleriit ingerlaneranni paasineqartut ullormut 300-nit amerlanerusarput.

Tunillatsissimasullu amerliartornerat Danmarkimi illoqarfiit pingaarnersaanni Københavnimi unnuakkut qiimasunnermut aamma kinguneqartussanngorpoq. 

Københavnimimi kommunini 17-ini imerniartarfiit, sutorniartarfiit neriniartarfiillu sisamanngorpat septembarip ulluisa 17-ianniit ulluni 14-ini atuuttumik unnukkut nalunaaqutaq qulinut matusalissapput. Tamatumalu saniatigut taakkunani nikorfaannarlutik isersimasut qanermut assiaquteqarnissaat piumasaqaataalissalluni.

- Maannakkut iliuuseqanngikkutta coronavirusi nunatsinni tuniluutileqqarataannaavoq. Tunillatsissimasut tallimaagaangata ataaseq inuusuttuusarpoq, inuusuttullu taakkua 20-t 29-llu akornanni ukioqarlutik. Taamaammat unnuakkut qiimasunnermut killilersuisariaqarpugut, Magnus Heunicke oqarpoq.

Nuannataarneq akornutaasoq

Sassaallerfiusartunilu isersimasut imminnut qanillattunnginnissaannut piumasaqaatit eqquutitinneqassappata, Københavnimi saassaallerfiusartut isersimasut amerlanerpaaffiissaat pillugit allagartalersueqquneqartalissapput.

Københavnimi politiit inuppassuit katersuuttut fiisterunnaaqquneqareeraluarlutik piniinnartartut siumortarpaat. Naalagaaffiup politiivisa pisortaat Thorkild Fogde tusagassiortunik aggersaanermi taama oqarpoq.

AAMMA ATUARUK Danmarkimi tunillatsissimasut amerliartoraluartut malittarisassagut tunillatsissimasunik nunatsinnut isitsaaliisut

Taassuma politiit fiistertunut killilersuinerulersinnaatitaanngortussanngornerat qujaruppaa:

- Erseqqissumik killilersuisoqarnissaa pisariaqartittarput. Neriniartarfiit unnukkut nalunaaqutaq qulinut matoqqusaasalernerat ilutigalugu taamaaliorsinnaanngulerpugut. Nunannataaginnartoqarpammi angerlarsimaffimmi sulineq iluaqutaanngilaq, taanna oqarpoq.

Angerlarsimaffimmi nuannataarneq unnukkut nalunaaqutaq qulinut unitsittarsiuk

Københavnimi kommuninilu allani taassuma eqqaaniittuni piumasaqaatit sukannernerulersinneqareernikuupput.

Katersuunnermi inuit amerlanerpaamik 100-jooqqusaajunnaarlutik 50-iusarnissaat sapaatit akunnerata siuliani inassutigineqarpoq.

Inuit coronavirusimik tunillatsissimallutik Danmarkimi napparsimmavinni maanna uninngasut 55-iusut, danskit peqqissutsimut ministeriat oqarpoq. Taakkua unnuallu kingulliit ingerlaneranni 50-iniit 55-inngorput.

AAMMA ATUARUK Tamaat isigalugu: Coronavirus pillugu killiffik

Taakkunannga 55-iusuni pingasut peruluttut inaanniipput.

- Angerlarsimaffimmilu nuannataarneq unnukkut nalunaaqutaq qulinut unitsinneqartassasoq aamma kajumissaarutigaarput. Unnuakkut qiimasuttut angerlarsimaffimmilu nuannataartut ikiliniassammata taamaaliorpugut, peqqissutsimut ministeri Magnus Heunicke (S) oqarpoq.

Tamatumalu saniatigut neriniartarfiit imerniartarfiillu meterimik ataatsimik ungasitsiginissaq isersimasuminnut piumasaqaatigiinnassavaat.

Taakkunani qanermut assiaquteqarnissamut taakkualu unnukkut nalunaaqutaq qulinut matusarnissaannut inassutit oktobarip aallaqqaataata tungaanut atuukkallassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat