Københavnimi sapaat biilerfiunngitsoq
Københavnip ullormi ataatsimi biilerfiunnginnissaanik misileraasoqarnissaa, Københavnimi kommunalbestyrelsimi, tassa borgerrepræsentationimi ilaasortat ippassaq unnukkut isumaqatigiissutigaat.
Allattoq Karsten Sommer
oktobarip 09-at 2015 10:37
Nutserisoq Mads Lynge
Aappaagu 2016-imi septembarip ulluisa ilaanni ullormi ataatsimi biilertoqarsinnaannginnissaa aalajangerneqarumaarpoq.
- København, Europami illoqarfissuit ilaannut maanna ilannguppoq ullormi ataatsimi biilerfiusoqannginnissaanik aalajangertunut, tassa sapaammi ataatsimi biilertoqaqqusaannginnissaanut misileraasussanngorluni. Illoqarfiup biileqanngitsumi qanoq atorneqarsinnaanera tassani takuneqarsinnaassaaq, Københavnip avatangiisinut borgmesteria Morten Kabell oqarpoq.
Europami illoqarfissuit allat, soorlu Bruxelles Parisilu ullormi ataatsimi biilertoqannginnissaanut aaqqissuussisareerput.
Nuummi, maanna biileqaqisumi tamanna immaqa aamma misilinneqarsinnaassaruttortoq?
