Københavnimi eqqissiviilliortoqarmat inuit 23-t politiinit tigusarineqarput

Københavnimi ippassaq sapaammi eqqissiviilliortoqarmat inuit 23-t politiinit tigusarineqarput. dr.dk taama allaaserisaqarpoq.

Københavnip ilaani Nørrebromi eqqissiviilliortoqarpoq, ammit qalipaataannik immikkoortitsisutut pasineqarluni eqqartuussaasimasup Rasmus Paludanip akerliussutsimik takutitsineranut atatillugu eqqissiviilliortoqaleruni. Paludanip partii nunassiniartunik isorinnilluinnartoq Stram Kurs pilersinnikuuaa.

Rasmus Paludanip akerliussutsimik takutitsineranut illuatungiliuttut saassussipput, biilit, containerit sikkilillu ilaatigut ikuallatsinneqarlutik. Politiit ujaqqanik aamma milloorneqarput.

Paludan islamisiortunik isorinnilluinnartuuvoq, akerliussutsiminnillu takutitsiffiup nalaanit politiinit qimagutsinneqartariaqarsimalluni. Politiit kingorna taava saassutaritipput.

Nørrebromi eqqissiviilliornerit Københavnip immikkoortuinut allanut aamma siammarput, politiillu gassimik qulliliornartumik atuisariaqarsimapput, soorlu aamma illuinnarsuutitinik amusariaqarsimagaat, eqqartoqanngilarli.

Inuusuttut allallu pinerliiniaqatigiinneersut taakkulu tapersersortaat saassussisuusut politiit oqaatigaat.

Polikerit arlallit eqqissiviilliornerit assuaralugit nalunaarutigaat, statsminister Lars Løkke Rasmussen taakkununnga ilaalluni. Tassuma Rasmus Paludan aamma assuaraa. dr.dk taama allaaserisaqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat