Nersornaatisiassaa "Den Store Pris" Danmarkimi atuakkiortunut nersornaatigineqartartut akimanersaattut taaneqartarpoq.
Jørn Riel-ip nersornaaserniarneranut oqaluttuarusussusaa inuppalaassusaalu qungujunnartoq atukkiarpassuini takuneqarsinnaasoq tunngavilersuutit ilagigaat, Det Danske Akademiet allappoq.
Atuakkiortoq Tunup avannaani pisimasuusaartitanik atuakkiortutut Nunatsinni ilisarimaneqarluartoq, taakkua 1953-imiit 1963-imut Tunup avannaani sulinermini atuakkiarinissai isumassarsiarivai.
Jørn Riel Nunatsinnut peqqaarpoq Lauge-Koch-ip Tunup avannaarsuanut ilisimasassiorneranut peqataanermini.
Atuakkiortoq 79-inik ukioqartoq Malaysiami maanna najugaqarpoq, inuuninilu tamaat angalarusussusermik peqarsimavoq. Ilaatigut Kangiani qiterlermi Pakistanimilu FN-imi sulisimavoq, Afrikami, Indiap kitaani Kangianilu angalasarsimalluni.
KNR-ip Jørn Riel mail-ikkut aperaa Kalaallit Nunaat qanoq tassunga sunniuteqarsimanersoq.
- Assorsuaq, taama naatsumik ersarissumillu akivoq.
Ullumikkut Kalaallit Nunaannut attuumassuteqarnerit qanoq ippa?
- Asaqatigiinneq (neriuppunga).
Nersornaammut 300.000 koruunit aningaasartaritinneqarput.