Jørgensen: Danskit Japanimut ataatsimiigiartariaqanngillat

Japanimiut arfanniartarneq pillugu ataatsimeersuartitsinerannut danskit peqataasitaqarnerat EU-mi narrutsaatigineqarpoq.
februaarip 13-at 2007 16:14

Arfanniarneq Pillugu Ataatsimiititaliarsuup IWC-p ataatsimeersuartitsinerani kingullermi iluanaarutigalugu arfanniartarnerup 1986-imili inerteqqutaalersup eqquteqqinneqarnissaanut danskit tapersersuinerat EU-mi iluarineqanngereerpoq, danskillu sinnerlugit EU-mi uumasunik illersuinissaq pillugu suleqatigiissitami ilaasortaasoq Socialdemokratineersoq Dan Jørgensen oqarpoq, Japanimiut qaaqqusinerannut danskit angernerat sianilluanngitsuliornerusoq.

- Uumasunik illersuiniarnermut danskit iuttuujuaannarput taamaattumik japanimiut kissaataannut tapersersuinerat assut eqqumiigaarput, Dan Jørgensen oqarpoq.

Iluanaarutigalugu arfanniartoqaqqittalissappat arferit nungutaanissaat Dan Jørgensenip ernummatigaa, aammali iluanaarutigalugu arfanniartarneq ammaateqqinneqassappat arfernik naalliutsitsinerit amerlinissaat Dan Jørgensenip ernnumatiginerarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq