Jørgen Fleischer toquvoq

Aviisiliortoq, inuiaqatigiinnik oqallissaarisartoq, atuakkiortoq politikerilu, aamma allarpassuarnik suliaqartartoq, Jørgen Fleischer, sivikitsumik napparsimareerluni, Dronning Ingridip Peqqissaaviani ippassaq unnukkut toquvoq.
Allattoq Carla Davidsen
juunip 28-at 2012 06:14

Sermitsiaq.ag-mi ullaaq-manna tamanna allaaserineqarpoq.

Jørgen Fleischer 88-inik ullumikkut ukioqalertussaagaluarpoq.

Kalaallit Nunaata oqaluttuarisaanerani piffissaq pingaarutilik taamaalilluni qaangiuppoq.

Jørgen Fleischer Uummannap pigisaani nunaqarfimmi Ikerasammi inunngorpoq, Kalaallit Nunatsinni allaatiginnittartorsuanngorluni, atuakkiarpassuaqarporlu. Atuakkiat, oqaluttualiat, taalliat erinarsuutillu nuannarineqaqisut Kalaallit Nunatsinnut tunniuppai.

Toqussi tikillugu Sermitsiami sapaatip-akunneranut ataasiarluni allaaserinnittarpoq, Juulup isummersorfianik taaguutilimmik.

Kalaallit Nunaanni ineriartornermut pingaarutilerujussuuvoq, aamma Kalaallit Nunaata oqaluttuassartaani, KNR-TV-kkut ukioq-manna siusinnerusukkut aallakaatinneqartumi, Qaannat Alannguanni-mik taaguutilimmi, assut pingaarutilinnik oqaluttuarluni.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq