Jyllandimi illoqarfik sermersuatsinneersumik pinnersarpaat
Sermit aakkajaarsuit marluk, Nunatta sermersuaneersut, illoqarfimmut tassunga ippassaq apuunneqarput, sapaatillu akunnerata matuma naanerani qiperorneqassallutik.
Qiperuisartoq, Morten Møller, Samsømeersoq, Dansk Billedhuggerforbundimit taamatut immikkut ittumik suliaqarnissamut toqqarneqarsimavoq.
Taanna aviisimut Jyske-Vestkystenimut oqarpoq, sermimik qiperuineq misilissimanngisaannarlugu, taamaattorli suliassani qilanaaralugu. Aviisimi allaaserineqarpoq sermip aappaata qiperorneqarnerani aappaa nillataartumiitinneqassasoq. Sermimit qiperukkat qullermit unnukkut seqersimaneqartarnissaat isumaqatigiissutigineqarpoq, tassa aannissaasa tungaanut.
Morten Møller aamma oqarpoqa, sermip qanoq qalipaateqarnera paasiuminaatsoq. Tassami pinngortitap nammineq tamanna isumagisarmagu. Tamannalu isumassarsiornissamut immini pilerinarnerulersitsisoq oqarluni.
