Juutinik toqoraaqataasimasutut pasisaq eqqartuunneqartussanngorpoq

Sorsunnersuarmi kingullermi juutinik 27.900-inik toqoraaqataasimasutut unnerluussaasup John Demjanukip Münchenimi eqqartuunneqarnissaa novemberip ulluisa 30-anni aallartissasaaq.
Allattoq Jaaku Lyberth
oktobarip 08-at 2009 09:14

John Demjanjuk maannakkut 89-inik ukioqartoq, ukioq 1943-imi Polenip kujataanni nazitsit tigusaminnik parnaarussivianni Sobiborimi juutinik 27.900-inik toqoraataasimastutut pasineqarpoq, unnerluussissut oqarnerat malillugu parnaarussivimmi nakkutilliisuusimasoq, nutaarsiassaqartitsivik, Ritzau allappoq.

Eqqartuussineq ulluni 35-ini ingerlanneqarnissaa eqqartuussivimmit ullumi nalunaarutigineqarpoq. Eqqartuussineq aappaagu ukioq 2010-imi majip ulluisa arferngani naammassineqassalluni.

Demjanjuk majip qaammataani USA-imit Tysklandimut tunniunneqarpoq maannakkut parnaarussivimi Münchenimiittumi paarnaarussaaqqalluni.

Demjanjukip ilaqutaasa pinngitsuunerarlugu aalajangiusimallugu oqarput, napparsimavallaaneralu pissutigalugu eqqartuussineq tamakkiisumik najuuffigisinnaangikkaa oqarlutik.

Demjanjukip eqqartuunneqareerpat Tysklandimi nazistit pillugit eqqartuussinerit annerusut kingullersarigallassavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq