Juuti nunasisoq toquppaat

Israelimiut sakkutuuat aallarunneqartoq iperagaasinniarlugu israelimiut palæstinamiunik saassussinerat sakkortusivoq – taamaalineranilu palæstinamiut sorsukkumatuut juuti nunasisoq aallarussimasartik toqussimallugu nalunaaruteqarput.

Gazap avannarpasinnerusortaani palæstinamiut qunusaarniarlugillusooq israelimiut qamussui taama seqqoqattaatut taama nipeqarpoq.

Palæstinamiut killeqarfianik illersuiniarlutik qamussualersuullutik allanillu sakkulersuullutik piareersaleruttorput.

Tamaani inuit qanimut malinnaasut oqaluttuarput israelimiut Gazap killeqarfia qaangingaatsiarlugu isaareersut israelimiulli tamatuminnga ilumuunnginneraapput.

Illuatungeriit imminnut suli akersuutilivinngillat. Israelimiulli Gazap avannarpasissortaani najugalinnik timmisartorlutik qulaavaanerminni mianersoqqusisarput.

Israelimiut Gazami killeqarfigitinneqartoq qaangingaatsiarlugu isaapput palæstinamiunillu arlaqartunik tigusarinnittoqareerpoq. Palæstinamiut sorsukkumatuut juuti nunasisoq aallarussimasartik toqoriarlugu timaa aqqusernup sinaanut ilisimavaat. Israelimiut sakkutuuat taakkunanga aamma aallarunneqartoq toqutaariaannaasoq nalunaarutigineqarpoq.

Saassusisaqattaarnerit sakkortusiartoraluartut israelimiut Palæstinap tungaanut eqqarnerat nutaarsiassartaqanngilaq.

- Palæstinamiunilli naalakkersuinermik suliaqartunut allaat aallarussuineq nutaartaavoq. Tamaani immikkut ilisimasallit eqqoriarpaat Hamasikkut naalakkersuisuunerat atorunnaarsinniarlugu taamatut aallarussuisoqartoq.