Assi: Simon Uldum/KNR

Ministeriuneq: Juunip tallimaani qinersisoqassaaq

Danmarkimi, nunatsinni Savalimmiunilu innuttaasut Folketingimut juunip tallimaani qinersissapput. Ministeriuneq Lars Løkke Rasmussen ullumikkut taama nalunaaruteqarpoq.

Folketingimut qinersinissaq kiisami ullulerneqarpoq.

Folketingimut juunip tallimaani qinersisoqassasoq danskit ministeriunerata Lars Løkke Rasmussenip (V) Folketingip oqaluttarfianit nalunaarutigaa.

Tamanna sioqqullugu qinersinerup ullussaa Dronning Margrethemut nalunaarutigiartorlugu ippassaq Amalienborgimiippoq.

Christiansborgimi ukiuni tullerni sisamani pissaaneq pillugu qineqqusaarnissaq pisortatigoortumik taamaalilluni aallartinneqarsinnaanngorpoq.

Nunatsinni partiit tamarmik Folketingimut sassartitaqarput. Demokraatilli partiini kisiartaallutik sassartitassaminnik suli saqqummiussaqanngillat.

Aleqa Hammond Nunatta Qitornaaneersut (Siumut sinnerlugu qinigaaqqaartoq maannalu attaviitsuusoq) aamma Aaja Chemnitz Larsen Inuit Ataqatigiinneersoq nunarput sinnerlugu 2015-imi juunip qaammataanit Folketingimut ilaasortaapput.

Taakku juunip tallimaani qinersinissamut qinigassanngorteqqipput.

AAMMA ATUARUK Atlantikup avannaamiut qineqqusaartut tikkuaanissaat pillugu aalassassimaneq Lars Løkkep pisuussutiginerarpaa

AAMMA ATUARUK Kissaatigineqarnera Frederiksenip paasisinnaavaa - Løkkellu naalagaaffeqatigiinneq illersorpaa

 

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat