Juunip qaammataani nunatsinni aatsaat taama kiatsigaaq

Juunip 15-iani 23,2-nik kiatsigivoq mannalu tikillugu kiannerpaaffigisimasaanit 0,1 gradinik kiannerulluni.
    
Danmarkimi silasiorfimmi DMI-mi silasiortoq Frank Nielsen nassuiaavoq silaannaq kissartoq Newfoundlandimit Canadamillu pisoq pissutaalluni nunatsinni taama kiatsigisoq.
    
AAMMA ATUARUK 2010 satte varmerekord

Tuluit aviisiata The Telegraphip juunimi allaaserisaani nalunaarutigineqarpoq maajip qaammataani nunarsuarmi kiannerpaasimasoq.  
    
Agguaqatigiiissillugu 15,54 gradenik kiassimavoq 1900-kkunnilu agguaqatigiissillugu kiassusaanit 0,74 gradinik kiannerulluni.

Nunarsuarmi kiatsikkiartuinnavippoq kiannerpaaffillu qaangerneqartarluni.

- Kissatsikkiartuinnarpoq, aamma Kalaallit Nunaanni, tassanimi siku aakkiartorpoq.  Siunissamilu suli kiannerulernissaa ilimagineqartariaqarpoq, Frank Nielsen nassuiaateqarluni taama oqarpoq.

AAMMA ATUARUK Nunatsinni kiannerpaaffimmik rekordiliisoqarpoq

Nunatsinni kingullermik kiannerpaammat  Kangerlussuarmi juulimi 1990-imi uuttorneqarpoq. Taamani 25,5-nik kiappoq.  

Issinnerpaaffialu 1989-imi uuttortarneqarpoq, taamani 52,1-nik issitsigaluni.