Juullip qaammataani inuit eqqissisimapput

Julefrokosternerit imigassartorfiusaqisut decemberimi nalinginnaagaluartut, nunatsinni politeeqarfinni amerlanerni eqqissisimaffiusimavoq.

Nuummi politiit nalunaarutigaat qaammatinut allanut naleqqiullugu imigassartorluni biilernerit ikinnerusimasut, Nanortalimmili ukiukitsumik pingitsaaliisoqarsimavoq.

Decemberimi suliffeqarfippaasuit julefrokostertitsisarnerat politiit ulapinnerunerannik kinguneqartartoq, ukioq manna qaammatinut allanut naleqqqiullugu eqqissisimaarfiusimasoq radioaviismi sineriammi politeeqarfinnut sianeqattaarnitsinni paasinarsivoq.

Upernavimmi inuit eqissisimaarsimapput politillu aalakoorluni biilertumik ataasinnaarmik naammattoorsinermik saniatigut angerlarsimaffinni eqqissiviilliornerit ikittuinnaat orninneqarsimapput. Aasianni, Sisimiuni Ilulissanilu politiit inuit eqqissisimaarsimanerannik nalunaaruteqarput.

Illoqqortoormiuni persuttaanerit sakkortuut marluk nalunaarutigineqarsimapput. Angutit tallimat angut persuttaarsimavaat aqqunartitersimanermik ullut pingasut napparsimavimmi uningasariaqalertillugu..

-Aalakoortoqaqaarngaasiit, kisianni nalinginnaasumit amerlanerugunanngillat, Illoqqortoormiuni politeeqarfiup påisortaa, Eigil Lyberth oqarpoq.

Qaqortumi julefrokosterrannerit kingunerisaanik decemberimi angerlarsimaffinni eqqissiviilliornerit nalinginnaasumit amerlanerusimapput.

-Julefrokostereersimallutik inuit silami sinitttut kiisalu inuit kukkullutik angerlartut aamma naammattuugasassaasimapput, Qaqortumi politiit ittuat Ben Ole Kleist oqarpoq.

Nuummi aalakoorlitik biilertut decemberimi ikileriarsimapput. Nummi politiit pisortaat Bent Heiselberg isumaqarpoq inuit aalakoorlutik billinnginnerusimassasut ilisimagamikku politiit decemberimi aalakoorlutik biilertunik nakkutiginninnerusartut.

Sinerammi inuit decemberimi eqqissisimaarsimanerannik politiit nalunaarutaat tusarluarnaraluartoq, Nanortalimmi niviarsiaqqamik pinngitsaaliisoqarsimavoq. Angut 23-inik ukuilik aalakoorluni niviarsiarannguaq 13-nik ukiulik naammattooramiuk isaarissamut eqqullugu pingitsaalillugu arneriffigisimavaa. Angut siornatigut pingitsaaleereersimasoq sapaatip akunnerni sisamani tigummigallagassanngortinneqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat