Juullip qaammataa eqqissisimanarsimavoq
Nalliuttut atuunneranni Kalaallit Nunaanni eqqissisimanarsimaqaaq, Nuummi politeeqarfimmi pigaartuusoq Per Langborg taama ilisimatitsivoq.
- Angerlarsimaffinni eqqissiviilliornerit ataasiakkaat, tillinniarnerit arlalialunnguit biilinillu tillittut arlalllit taamaallaat naammattorpavut, pigaartoq oqalututtuarpoq.
Danmarkimili misigisat allaanerungaatsiarsimapput. DR ilisimatitsivoq, illuutilippaaluit inissiarsuarnilu najugalit misikkersimaqisut, arlalissuimmi angerlarlutillu tillinniarfigitissimallutik paasisarsimavaat.
Aarhusimi Silkeborgimilu tillinniarpassuusimapput, paasineqartullu arlalissuit parnaarussaareersimapput.
Jyllandip avannaani tillinniat, perulluliortut eqqissiviilliortitsisullu imaaginnavissimapput, inuillu arfineq-marluk manna tikillugu tigusaareersimallutik.
